Zea Mays taldeak Bilboko Santana aretoan joko du apirilaren 9an. Orain dela hilabete batzuk, azaroan, Aiora Renteria taldearen abeslariak minbizia zuela eta eszenatokiak aldi baterako utziko zituela iragarri zuen. Kontzertu horrek, beraz, taldearen itzulerari data jartzen dio.
Aurten Zea Maysek 25 urte bete egiten ditu eta '25 urte joan dira ta!' lelopean ospatuko dute. Bilboko ekitaldiak izen hori izango du, hain zuzen ere, eta "musika eta errepideko urte hauek ospatzeko topagune" moduan antolatu dute. Haien sare sozialetan zabaldutako mezuan, "oso eskertuta" agertu dira jasotako babesarengatik. Bestalde, martxoaren 3an single berria argitaratuko dute.
