Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
GIZARTEA

Zingira baso ‘aberatsagoa’ berreskuratu nahi dute

Artelatza babestu eta zabaltzeko asmoarekin hasi dituztedagoeneko lanak eta zortzi astez bideak itxita mantenduko dira 

2018(e)ko urriaren 12a, ostirala - 13:07etan eguneratua

Mari Azpiroz eta Gloria Vazquez, Zingira basoko lanetan.

Mari Azpiroz eta Gloria Vazquez, Zingira basoko lanetan. (Foto:N.G)

Galería Noticia

Mari Azpiroz eta Gloria Vazquez, Zingira basoko lanetan.

ZARAUTZ – Zingira basoaren berreskuratze lanak hasi martxan ipini dituzte dagoeneko eta horien harira, Ingurumen zinegotzia den Gloria Vazquezek gogoratu nahi izan zuen “duela bi urte erosi genuen lurralde eremu hau, Ingurumen sailaren ardura delako natura babestea”. Natura 2000 sarean aurkitzen da Zingira basoa, bere baitan ere Arkamurka aurki daitekeelako eta “lur eremu hau aberastu eta berreskuratzeaz gain, lehen zuen indarra itzuli nahi” diola azpimarratu zuen Vazquezek Zarauzko Udalaren izenean.

Izan ere, Aranzadi Zientzien elkarteko kide den Mari Azpirozek azaldu zuen baso honek hartzen dituen bost hektarea horietatik, lau “pinuz beteta” daudela eta “bigarren habitat moduan artelatza ageri dela”. Bostgarren hektarea berriz, “sastrakak, iratzeak, etab. osatzen dute”, Azpirozen hitzetan. Aranzadikoak argitu nahi izan zuen artelatzaren zabalkuntza ez dela guztiz ohikoa, “oso espezie berezia da”, zioen eta horregatik proiektu honen helburua “artelatz basoa berreskuratzea” da. “Kontu handiz” egin beharreko lanak direla azpimarratu nahi izan zuen Azpirozek, ez delako “ohiko” lana izango.

“Bioaniztasunaren biltegi” aproposa izango delakoan, Zingira putzu ohia ere berreskuratzen saiatuko dira “hein handi batean” eta lan guztien emaitza “urte batzuen buruan” helduko dela ziurtatu zuten.

Bestalde, hurrengo zortzi asteetan bideak itxita egongo direla eta horrek herritarrengan sor ditzakeen eragozpenengatik “aldez aurretiko barkamena” eskatu zuen Vazquezek. – N.O.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902