Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Euskaraldiaren aurkezpena egingo dute asteazkenean

2018(e)ko irailaren 7a, ostirala - 09:28etan eguneratua

 PASAIA – Irailaren 12an, 18.00etan, Juanba Berasategi aretoan Pasaiako Euskaraldiaren aurkezpena izango da. Bertan Pasaiako aurkezle eta aktoreen laguntzaz herritarrei Euskaraldia ekimena zer den azalduko zaie eta parte hartzera animatu, modu alai eta dinamikoan. Horretarako, Pasaiako Hamaikakoa aurkeztuko dute;euskararen aktibazioa bultzatzeko urratsa eman duten hamaika pertsona izango dira, baita ekimenaren enbaxadore ere. Herritarren parte-hartzea aktibatzeko deia egingo dute. Ekitaldira joateko garraio zerbitzua antolatu du Euskararen Aholku Batzordeak. 17.30ean Trintxerpeko Hospitalillo moilatik eta San Pedroko ontziralekutik itsasontzi bana abiatuko dira. Pasai Antxotik ordu berean autobusa antolatu dute Marea Altako geltokitik. Ekitaldiaren ondoren luntxa egongo da eta bueltako garraio zerbitzua 19.30ean izango da. Haurtzaindegi zerbitzua izateko aukera egongo da. Horretarako, jakinarazi behar da pasaia@euskaraldia.eus helbide elektronikoan edo 688 695 520 telefono zenbakian. – A.M. 


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902