Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

"Zaindu": Gazteen alkohol kontsumoa saihesteko app berria

Osasun Sailak martxan jarritako app-a, Google Play sareko dendan deskargatu daiteke

europa press - 2018(e)ko uztailaren 20a, ostirala - 14:16etan eguneratua

Según estudios realizados por investigadores de diversas universidades, dados a conocer por Elsevier, el uso excesivo de las redes sociales, aplicaciones de mensajería o juegos online puede traducirse en una experiencia negativa que alimente una baja auto

Galería Noticia

Según estudios realizados por investigadores de diversas universidades, dados a conocer por Elsevier, el uso excesivo de las redes sociales, aplicaciones de mensajería o juegos online puede traducirse en una experiencia negativa que alimente una baja auto

DONOSTIA. Osasun Sailak jakinarazi duenez, Zaindu programaren esparruan garatu da aplikazioa, eta profil desberdinetako pertsonei dago zuzendua: nerabeak, gazteak, gurasoak, emakume haurdunak eta hezkuntzako, ostalaritzako eta instituzioetako eragileak. 

Aplikazioak ebidentziak eskaintzen ditu alkohol kontsumoaren ondorioei buruz, adingabe batek edo haurdun dagoen emakume batek edatea zergatik den txarra azaltzen duten arrazoiak ematen ditu, eta baztertu egiten ditu alkoholdun edarien kontsumoari buruzko mito faltsuak. Gainera, informazio erabilgarria eskaintzen die gazteei, besteak beste, garraio publikoen ordutegia edo laguntza behar izanez gero jo beharreko baliabideak. 

Jon Darpón Osasun sailburuak adierazi duenez, gazteak eta nerabeak sentsibilizatzea da aplikazioaren asmoa, "alkoholak nola jarduten duen, eta zein ondorio eta arrisku dituen ezagutzeak duen garrantziari buruz". "Gazteenen artean zabaldua dagoen ideiari aurka egitea da xedea, pentsatuz arriskurik ez dakarren substantzia baten aurrean daudela, oso eskuragarri duguna eta oso normalizatua gure gizartean", gaineratu du. 

Aplikazioa prebentzioaren eta osasuna sustatzearen ikuspegitik planteatu da, eta alkoholik gabeko aisialdiko planak egitera animatzen ditu gazteak eta nerabeak. 

EDUKIA BEREIZITA 

Edukia bereizita landu da nerabeentzat (18 urtetik beherakoak) eta gazteentzat (18-29 urte), eta, beraz, tresnarako sarbidea bera ere erabiltzailearen adin tartearen arabera egiten da. Gainera, aplikazioa "modu egoki bat da" aisialdiko aukera desberdinak ezagutzeko, alkohol kontsumoaren alternatibak, alegia. 

Horrela, EAEko hiru lurraldeetan programatutako jardueren eta ekitaldi kulturalen bilatzaile bat du, baita atzerrirako bidaienak eta ariketa fisikoa praktikatzeko baliabideenak ere, eta jokoen atal bat ere jaso du. Partaidetzari, elkartegintzari eta boluntariotzari buruzko informazio interesgarria eskaintzen du. "Biltzen dituen baliabideen ugaritasunagatik eta aniztasunagatik, erreferentziazko aplikazio bat da Estatuan alkoholaren gaiari dagokionez", esan du. 

Tresna berriak Adikzioen VII. Planaren ardatz estrategikoetako bati erantzuten dio. Ardatz estrategiko horren helburua da substantzia adiktiboen kontsumoa eta pertsonen osasunean dituen ondorioak murriztea, mota honetako ekintzen bitartez eta sare sozialen eta teknologia berrien bitartez prebentzio estrategiak azpimarratuz. 


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902