Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
GIZARTEA

Madalenek 150 ekintzatik gora ekarriko dituzte Errenteriara

Antzerkiak, danborradak, lehiaketa eta dastaketa gastronomikoak eta 25 kontzertu izango dira

Aitziber Muga - 2018(e)ko uztailaren 1a, igandea - 06:03etan eguneratua

Jai Batzordea eta madalenetako zapia.

Jai Batzordea eta madalenetako zapia. (Argazkia: Herribizia)

Galería Noticia

Jai Batzordea eta madalenetako zapia.

Errenteria- Jai Batzordeak ostiral arratsaldean egindako agerraldian aurreratu zuenez, Errenteriako Madalen jaietan 150 ekintzatik gora izango dira egitaraua osatuko dutenak. Denetarik egongo da: erakusketak, dantza, antzerkia, danborradak, lehiaketa eta dastaketa gastronomikoak, kirol jarduerak…, eguneko zein gaueko programa osatzeko. Eta 25 kontzertu baino gehiago, publiko eta gustu ezberdinei zuzenduta.

Txupinazo ezberdinakGainera, aurten ere, txupinazoa bizitzeko aukera ezberdinak izango dituzte herritarrek: 17.30ean, mila koloreko txupinazo txikia izango da Koldo Mitxelena plazan eta aurtengoan gainera abesti propioa izango du: Oarsoirriak taldeak auzolanean sortutako Irria Harro!.

Holi festa Gernika plazan hasiko da 18.00etan. Eta txupinaren jaurtiketa zuzenean bizitzeko, Herriko plaza edo Zumardiko pantaila erraldoia izango dira. Zuzenean ere, emango dira irudiak Herri Bizia webgunean.

Jaiek nortasun propioa izan dezaten Jai Batzordeak lepoko zapi bat sortu du eta hauek hilaren 15etik aurrera salduko dira

Bestetik, eskerrak eman nahi izan dizkiete herritar guztiei, urtero uztailaren 21ean, antolatzen duten herri bazkariari egin dioten harreragatik. Izan ere, tiket guztiak salduta daude dagoeneko.

Jai Batzordeko kideen arabera, azkenengo urteetan bezalaxe, “aurten jai giroan gozatzeko aukera” izango da. “Programan jasota daude hilabete hauetan ilusio handiz auzolanean landutako ekintzak eta pozik gaude horregatik. Izan ere, gure nahia baita jaiak herritik eta herriarentzat izatea”, adierazi zuten.

Egitarau zabala izango dela esan zuten eta proposamen berriak ere ilusioz prestatu dituztela. Horietako bat, madalenetarako atera duten lepoko zapia da. “Gure herriko jaiek nortasun propioa dute eta soinean lepoko zapi berdina emateak identitate hori indartuko du”, azaldu zuten. Zapiak uztailaren 15etik aurrera izango dira salgai datozen astetan argitaratuko dituzten herriko hainbat tokitan.

Halaber, Jai Batzordearen apustua jaiak guztion gozamenerako izatea eta jaiez libre gozatu ahal izatea dela azpimarratu dute. “Emakumeek ez dutelako ausartak izan behar libre baizik. Horregatik, eraso sexistarik gabeko madalenak helburu dituzten neurriekin bat egiten dugu”, esan zuten.

Amaitzeko, ziurtatu zuten Madalen jaiak prestatzen gozatu duten adina gozatuko dutela festak bizi-tzen, eta herritarrek ere hala goza ditzaten espero dutela. “Jaiak marraztuz, jaietan parte hartuz, jai herrikoiak biziz”, adierazi zuten.

etiquetas: madalenak, ekintzak


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902