Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Euskadiko abiadura handia, Europaren lehentasuna

2018(e)ko ekainaren 27a, asteazkena - 16:29etan eguneratua

Tapia.

Tapia. (Irekia)

Galería Noticia

Tapia.

Europako Kontuen Auzitegiak jendaurrean jarri dituen ondorioak kontuan hartuta, Arantxa Tapia sailburuak esan du Atlantikoko ardatzak jarraitzen duela lehentasunezkoa izaten Europarako;beraz, euskal Y-ak, lehentasunezko Europa barneko konexioak, jarraitzen du funtsezkoa izaten Europako trenbide-garraiorako.

Sailburuak kritikatu du Espainiako Gobernuak abiadura handiko lineak eraikitzeko egin duen plangintza;izan ere, tarteak eraiki eta orokortu dira probintziako hiriburu guztietara, eta ez da nahikoa apustu egin lehentasunezko ardatzak amaitzeko, besteak beste, euskal Y-a. Azpiegitura horren atzerapena eta koordinaziorik eza etengabeak izan dira, baina Euskadin erabakitasunez ari gara lanean, abiadura handiko sarea amaitzea lortzeko. Sustapen hori etengabea izaten ari da, kupoaren formulari eta Eusko Jaurlaritzak obraren zati baten plangintzan eta garapenean duen inplikazioari esker.

Europako Kontuen Auzitegia kritikoa da, halaber, abiadura handiko lineei ematen zaien erabilerarekin, eta lineetan bidaiari falta dagoela salatu du eta, ondorioz, bideragarria ez dela. Hori horrela, Tapiak nabarmendu du euskal azpiegitura berriak beteko duen eginkizun bikoitza;izan ere, proiektuak trafiko mistoak aurreikusten ditu, eta ez da bidaiariak bakarrik garraiatzeko sarea. Tapiak nabarmendu du zer garrantzitsua den erabilera misto hori, eta trenbide-autobidearen proiektuari eutsi dio;izan ere, salgaien garraioak hobekuntza lehiakor garrantzitsua ekarriko dio Euskadiko industria-ekonomiari, besteak beste.

Europar Batasunak berak ezagutzera eman zuen azken lehiakortasun-azterlanean ziurtatu zuen Euskadirentzat abiadura handirik eza handicap handia zela eta, beraz, erakundeei eskatu zien lanean jarrai zezaten, abiadura handiko azpiegitura ahalik eta lasterren martxan jarri ahal izateko.

Eusko Jaurlaritzak jarraitzen du lanean, euskal Y-aren obrek aurrera jarrai dezaten, aurreikusitako epeetan, eta Tapiak gogorarazi du, Espainiako Gobernuaren aldaketaren ondoren, Jose Luis Abalos Sustapen ministro berriari premiazko bilera egiteko eskatu diotela. Ahalik eta lasterren egingo dela espero da. Sailburuak Madrili eskatu dio txostena arretaz aztertzeko eta horren ondorioz jarduteko eta, horrela, lehentasuna emateko benetan lehentasunezkoak diren ardatzei eta gizartearen ongizatea eta lehiakortasuna sustatzen ez duten joera politikoetarako erabakirik ez hartzeko.



COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902