Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Erraldoi bat gehiago izango da dantzan Zarauzko festetan

‘PEPE TXABILLO’, SAN PELAIOTAKO OMENDUA, IZANGO DABOSGARREN ERRALDOIA AURRERANTZEAN. ATZO LEHERTU ZENFESTA ETA JAI GIROA IZANGO DA NAGUSI EGUNOTAN 

Ane Rotetaren erreportajea eta argazkiak - Martes, 26 de Junio de 2018 - Actualizado a las 10:46h

Oskar Mutiozabal, Xabier Txurruka eta ‘Pepe Txabillo’, erraldoia atzean dutela.

Oskar Mutiozabal, Xabier Txurruka eta ‘Pepe Txabillo’, erraldoia atzean dutela.

Galería Noticia

Oskar Mutiozabal, Xabier Txurruka eta ‘Pepe Txabillo’, erraldoia atzean dutela.Lege Zaharren Enparantzan elkartu ziren haurren lau taldeak.Haurren danborrada udaletxe parera iristean.

Iritsi dira San Pelaio jaiak, Zarauzko herriaren festa kuttunak. Atzo eguerdian bota zuten jaiak iragartzen dituen txupinazoa, eta eguraldia lagun dutela alaitasunez eta giro onez ospatuko dituzte herriko patroiaren jaiak datozen egunotan.

Jose Mutiozabal Pepe Txabillok eta Txabillo Erraldoi eta Buruhandi Taldeak igo zuten bandera gauerdian, eta gainera sorpresa eder bat eman zieten zarauztarrei. Izan ere, omenaldi gisa Pepe Txabilloren erraldoi berri bat egin du Zarauzko Udalak, eta aurrerantzean bost erraldoi izango dira festetan, orain arteko beste lauekin batera. “Beste herri batzuetan egiten dituzte herrian ezagunak diren edo aipamena merezi dutenen buruhandiak, eta Zarautzen norbaitek merezi baldin bazuen, Pepe Txabillok behar zuela izan pentsatu genuen, horrenbeste maite dugun zarauztarra”, adierazi zuen atzo Xabier Txurruka alkateak.

Irungo Garate anaiek egin dute erraldoia eta Txabillo “oso gustura eta pozik” agertu zen prentsaren aurrean erraldoia ikustean. Gainera, erraldoia eramaten bere biloba, Oier, atera zen atzo eta benetan “berezia” izan zen hori omenduarentzat.

Atzoko eguneko beste ekitaldi nagusiak Haurren eta Helduen Danborradak izan ziren. Haur Kultur Taldeak antolatuta, Haurren XL. Agerraldia izan zen eta lau auzo desberdinetatik aterata, Lege Zaharren Enparantzan bildu ziren gaztetxoak. Gauean, berriz, Danborrada Nagusia atera zen herriko hamabi elkarte gastronomikoen partaidetzarekin eta festak ez zuen etenik izan gau osoan.

Gaur, San Pelaio Egunean, eta bihar ere festa giroa izango da nagusi herrian.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902