Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

"Eskola Jasangarria” ziurtagiria eman die lehendakariak Euskadiko 30 ikastetxeri

2018(e)ko ekainaren 5a, asteartea - 18:06etan eguneratua

Eskola jasangarria.

Eskola jasangarria. (Irekia)

Galería Noticia

Eskola jasangarria.

Orain, Euskadiko 98 ikastetxek, haietatik 5 Lanbide Heziketakoek, dute "Eskola Jasangarria" ziurtagiria. Ikastetxe horiek IRAES 21-jasangarritasunaren aldeko eskola-sarean daude, eta bertan batera bultzatzen dute irakasleek, ikasleek, irakasle ez diren langileek eta familiek jasangarritasunerako hezkuntza. Guztiek gainditu dute auditoretza bat, berrikuntzaren, kalitatearen eta ingurumenarekiko konpromisoaren alde egin duten apustuagatik saritzen dituena.

Elkarraldian, bost ikaslek, ziurtagiria lortu duten ikastetxe guztiak ordezkatuz, eman diote Iñigo Urkullu lehendakariari ikasturtean zehar egin dituzten jardueren laburpen bat, eta jasangarritasunaren alde burutzen dituzten ekintzak deskribatu dituzte, baita haien partaidetza ere udal foroetan eta urtero parte hartzen duten CONFINTen konferentziaren helburuak ere.

Diplomak banatu ondoren, Iñigo Urkullu lehendakariak adierazi duenez, "hezkuntza da tresnarik ahalmentsuena mundua hobetuko duten aldaketa positiboak sorrarazteko", eta gogora ekarri duenez, "Eusko Jaurlaritza lanean ari da ekonomia zirkularra bultzatzearen alde eta horrek adierazten du ekoiztu, erabili eta bota ohiko prozedura baztertu beharra dagoela, eta murriztearen, berrerabiltzearen eta birziklatzearen alde apustu egin. Gizarte-eredu berri horretan ezinbestekoa da zuen inplikazioa. Neurriz gaineko kontsumotik kontsumo arduratsu batera igaro beharra dago, planetaren narriadura eteten laguntzeko".

Eskola Agenda 21en elkarraldi honekin amaitzen da Euskadiko ikastetxeetan irailean hasitako prozesua. Hala, ebidentzien bila jardun dute, kanpoko auditoretza baten bitartez frogatzeko euren curriculumek, euren baliabideen kudeaketak eta hezkuntza-komunitateak parte hartzeko bideek jasangarritasun-ereduei jarraitzen dietela.

Eskola Agenda 21ek "Eskola Jasangarria" ziurtagiriarekin saritu dituen 30 ikastetxeak 21 udalerritakoak dira:

Arabako 2 ikastetxe: Oion, Gasteiz.

Bizkaiko 12 ikastetxe: Amorebieta-Etxano, Barakaldo, Bilbo, Durango, Galdakao, Gernika, Iurreta, Loiu, Mungia, Santurtzi, Trapagaran, Zamudio.

Gipuzkoako 8 ikastetxe: Aretxabaleta, Azkoitia, Beasain, Bergara, Donostia, Legazpi, Urnieta.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902