Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Berritasun asko dakartza aurten hondartza denboraldiak

Eguzkia hartzeak dituen arriskuen gaineko kanpaina eta zerbitzu eta ordutegi zabalagoak izatea nabarmen

2018(e)ko ekainaren 2a, larunbata - 16:53etan eguneratua

Playa de La Concha, Donostia

Playa de La Concha, Donostia (Ruben Plaza)

Galería Noticia

Playa de La Concha, Donostia

Ekainaren lehenan hasi zen Donostiako hondartza denboraldia. Berritasun asko dakartza. Besteak beste, hondartzaren erabilerei hobeto egokitutako garbiketa orduak izatea, eguzkia hartzeak zer arrisku dakarren ikusarazteko kanpainak egitea eta zerbitzu eta ordutegi zabalagoak izatea ere bai.

Berritasunik handiena azaleko minbizia prebenitzeko informazio kanpaina izan da. Hiru hondartzetako sarreretan panel batzuk jarri dituzte Udalak, eta mezu batzuk ere zabalduko ditu bozgorailuetatik. Krema egokiak eman eta azala babestu egin behar dela ohartaraziko da. AECC-ren (Asociación Española contra el Cancer) lankidetza izango du Udalak proiektu honetan.

Hondartzetan idauden beste hobekuntza batzuk hauek dira: beste 4 hanka-garbitzeko jartzea (15 izango dira hartara), aldageletan ordutegi handiagoak izatea (09:00 - 20:00) eta garbiketa lanak gauez egitea.

Gaueko 10etarako bukatuta izango da hondarra bahetik pasatzea, eta, hartara, makinek ez die endredorik egingo erabiltzaileei. Hamarretatik aurrera hasiko dira gainerako garbiketa lanak egiten (zakarrontziak hustea, erratza pasatzea, ur gainekoak garbitzea, eta abar). 25 langile arituko dira lan horiek egiten.

Sorospen zerbitzua

Bainulariei kasu egiten, berriz, Gurutze Gorriaren sorospen zerbitzua arituko da. Hauek dira zerbitzu hori emango duten 22 sorosleek izango dituzten ordutegiak:

• Ekainaren 1etik 14ra eta irailaren 16tik 30era: 10:30 - 19:30
• Ekainaren 15etik irailaren 15era: 10.00 - 20.00.

Epe horietan gure webean eta Udalaren sare sozialetan Adibide bat izango da hondartzetan zer bandera den ikusteko modua.

Hondartza bakoitzean eta uhartean lehen larrialdietarako botika kutxa bat dago, desfibriladore eta abarrekin. Zurriolako hondartzaren mendebaldean, Gurutze Gorriaren beste asistentzia etxola bat gehiago ere izango da.

Aurreko urte batzuetan bezala, haurren identifikazio-eskumuturreko batzuk banatuko dizkie Gurutze Gorriak hala eskatzen duten gurasoei, umearen izena eta, hura galduz gero, zer telefonotara hots egin jarriko duen zenbaki bat idatzita han.

Lagundutako bainua eta eguzkitakoak

Ekainaren 15etik aurrera, lagundutako bainu zerbitzua ere izango da Kontxan, 11:00etatik 19:30era. Ekainaren 15a izango da toldoak, karpak eta eguzkitakoak irekitzeko bidea ere, hiru hondartzetan. Gogoan izan zozketa egin eta gero libre geratu diren eguzkitakoak hartzeko bidea ere baduzuela.

Udaldian, debekatuta geratzen da txakurrak eta gainerako etxe abereak hondartzan ibiltzea, eguneko edozein ordu dela ere. Inoiz ere ezingo da Santa Klara uhartera joan etxe aberearekin,edozein espezietakoa dela ere.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902