Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
KULTURA

‘Artxipielagoa’ hartuko du Getariako Balenciagak

Antxua Eguneko egitarauaren baitan, larunbatean eskainiko da obra

Ane Roteta Oskar Montero - 2018(e)ko maiatzaren 2a, asteazkena - 06:02etan eguneratua

‘Artxipielagoa’ obraren entseguetako bat, Iruñean.

‘Artxipielagoa’ obraren entseguetako bat, Iruñean.

Galería Noticia

‘Artxipielagoa’ obraren entseguetako bat, Iruñean.

Getaria- Getariako Antxua Eguneko programazioaren baitan, Getariako Arrantzaleen Kofradiak eta Getariako Udalak ikuskizun berezi bat antolatu dute datorren larunbaterako eta Artxipielagoa ikuskizuna ikusteko aukera izango dute getariarrek, 22.00etan Balenciaga Museoan. Sarrerak iada eskuragarri daude 12 euroren truke, turismo bulegoan.

Andoni Egaña bertsolariak, Belen Ibarrola artistak, Ainhoa Garmendia sopranoak, eta Pello Ramirez, Garikoitz Mendizabal eta German Ormazabal musikariek osatzen dute protagonisten zerrenda eta bertsoa, musika, kantua eta proiekzioak uztartzen ditu proiektu honek. Hala, gaur egungo abestiek nahiz kanta klasikoek osatuko dute programa eta, besteak beste, Guridi, Iparragirre, Ken Zazpi eta Itoizen doinuak entzun ahal izango dira.

Sei artistek beren gaitasunak eta ametsak batu dituzte ikuskizun hau osatzeko, eta emaitza narrazio, abesti, bertsolaritza, musika eta bideoproiekzio uztarketa bat da;uhartez uharte osatutako artxipielago bat, alegia.

Antolatzaileek zehaztu dutenez, ikuskizun “berritzaile eta desberdina” da, “non ikuslearen parte-hartzea ezinbestekoa den”. Horretarako, atzo eta gaurko euskal abesti klasiko eta modernoak uztartuko dituzte, eta Andoni Egañaren gogoetak entzuten, musika entzuten, nahiz kantuan parte hartuko du ikusleak. Izan ere, Egaña bertsolariak esatari lanetan irla eta artxipielagoen inguruko erreflexio-hizketaldia, eta musikaren nahiz kulturaren inguruko beste hainbat gogoeta ere eskainiko ditu, beti ere Garmendia, Ormazabal, Mendizabal eta Ramirezen musikarekin batera, eta Ibarrola arte zuzendariaren irudi eta bideoen proiekzioekin.

Ukitu klasikoa izango du egitarauaren lehen atalak, eta gure kultur-ondare klasikoko abestiak eta abesti herrikoiak eskainiko dira. Bigarren atalean, berriz, abesti berriagoak joko dituzte.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902