Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
KULTURA

Euskaltzaindiak Azkue Literatura Sariak banatu ditu

Epaimahaiak irabazleen lanen “sakontasuna” nabarmendu du

Jueves, 19 de Abril de 2018 - Actualizado a las 06:03h

2017ko irabazleak, Urrutia eta Martínez BBK Fundazioko buruarekin batera.

2017ko irabazleak, Urrutia eta Martínez BBK Fundazioko buruarekin batera. (Argazkia: Oskar M. Bernal)

Galería Noticia

2017ko irabazleak, Urrutia eta Martínez BBK Fundazioko buruarekin batera.

bilbo- Euskaltzaindiak eta BBK Fundazioak 2017ko Resurrección Maria Azkue Literatur Sariak banatu zituzten atzo, Akademiak duen Bilboko egoitzan. Guztira 151 lan aurkeztu dira aurtengo lehiaketara. Epaileek lanen sakontasuna nabarmendu zuten eta modu berean, gizarteak dituen arazoak, kezkak eta pozak gazteek ere bete-betean bizi dituztela nabaritu zuten, hala nola “inmigrazioa, gaixotasunak, buruaz beste egitea...”. “Baina era berean munduari begiratzeko modu bizia dute, ohiko egoerei beste modu batera begiratzeko gaitasuna”, adierazi zuten epaileek.

Sari-banaketan egon ziren, besteak beste, Andres Urrutia euskaltzainburua eta Gorka Martínez BBK Fundazioko burua. Atzoko ekitaldian azaldu zuten moduan, A mailan (10-13 urteko gazteen saila), Maialen Leiza -narrazioan- eta Lur Lopez -poesian- gailendu dira, eta B mailan (14-17 urte) Anne Arrizabalaga -narrazioan- eta Peru Amorrortu -poesian- izan dira irabazleak. Oiartzun, Gernika-Lumo, Azpeitia, Gasteiz, Beasain, Otxandio eta Usurbilkoak dira aurten nabarmendu diren idazle gazteak. Partehartzaileen artean, “lan politak eta sakonak” egon direla azpimarratu zuten. Horrez gain, gazteek “bihotzetik sortutako ideiak” maneiatu dituztela esan zuten.

Urtero bezala, aurten ere literatura eremuko pertsona adituek osatu dituzte epaimahaiak, betiere Euskaltzaindiak izendatutakoak. A mailan, Miren Billelabeitia, Igone Etxebarria eta Manu Lopez Gaseni izan dira epaimahaikide, eta B mailan Yolanda Arrieta, Amaia Jauregizar eta Patxi Zubizarreta. “Etorkizuneko euskal idazleak hemen daude”, esan dute epaileek.

Euskaltzaindiak eta Bilbao Bizkaia Kutxa Fundazioak 1991etik antolatzen dituzten sari hauek idazle gazteak literatura mundura erakartzea dute helburu. - N.G.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902