Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
112rekin komunikatu ahal izango dA

Segurtasun Sailak larrialdietako APP berria jarri du abian jende guztiarentzat

GPS posizionamenduari esker azkarrago erantzun ahal izango zaie osasunaren eta poliziaren arloan edo bestelakoetan sortzen diren premiei

n.g. - 2018(e)ko apirilaren 18a, asteazkena - 11:08etan eguneratua

Segurtasun Sailak larrialdietako APP berria jarri du abian jende guztiarentzat

Segurtasun Sailak larrialdietako APP berria jarri du abian jende guztiarentzat

Galería Noticia

Segurtasun Sailak larrialdietako APP berria jarri du abian jende guztiarentzat

Segurtasuneko sailburu Estefanía Beltrán de Herediak gaur aurkeztu du Larrialdiak Kudeatzeko Txurdinagako Zentroan larrialdietako APP berria. APP horri esker erraz eta zuzenean komunikatu ahal izango dira 112 SOS DEIAK Koordinazio Zentroarekin bai entzumen edo mintzamen arazoak dituzten pertsonak bai herritar guztiak, oro har.

DONOSTIA. APP irisgarriari esker entzumen edo mintzamen zailtasunak dituzten pertsonak 112rekin komunikatu ahal izango dira grafikoen bidez eta 112-SOS DEIAK operazio-pantailan zuzenean ikusi ahal izango den txat baten bidez, erabiltzaileek gertaerari buruz egoki irizten duten informazioa eman ahal izan dezaten.

Dispositibo mugikor berria doakoa da, eta 112 telefonoaren operadoreekin botoia sakatuta bakarrik komunikatzeko aukera ematen du. Aktibatuta badago deia hasten den une berean bidaltzen du GPS seinalea, eta horri esker balio handikoa izango da bereziki trafiko-istripuetan, mendiko bilaketa-lanetan, eta abarretan, lokalizazio zehatza beste zailtasun bat gehiago izaten den kasuetan, alegia.

Aldi berean, GPS posizionamenduari esker azkar erantzun ahal izango zaie komunikatzeko ezintasunen bat duten pertsonei, posizioa automatikoki lortzen baitu azalpenik eman beharrik izan gabe.

?Larrialdietako 112ren APP berria jaisten dutenek GPS sistemaren bitartez lokalizatzeko aukera aktibatu dezakete, eta datu medikoak ere eman ditzakete (alergiak, gaixotasun kronikoak, hartutako botikak, eta abar).

Horri esker zerbitzua eraginkorragoa izan daiteke osasun-larrialdiei erantzun behar izaten zaienean.

Gainera, pertsona batek larrialdi-abisua bidaltzen digunean berak nahi duen pertsonari deitzeko harremanetarako zenbaki bat gehitzeko aukera ere emango zaio?, adierazi du Segurtasuneko sailburu Estefanía Beltrán de Herediak.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902