Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Denboraldiko lehen ilar eta babak, Beasaingo azokan

Hilabeteko lehen larunbateko azoka egingo da bihar, Loinazko San Martin plazan

M. Aranburu - 2018(e)ko apirilaren 6a, ostirala - 06:03etan eguneratua

Beasaingo Loinazko San Martin plaza azpian egingo da hilabeteko azoka berezia.

Beasaingo Loinazko San Martin plaza azpian egingo da hilabeteko azoka berezia. (Argazkia: N.G.)

Galería Noticia

Beasaingo Loinazko San Martin plaza azpian egingo da hilabeteko azoka berezia.

beasain- Dagoeneko erabat errotuta dago Beasainen hilabeteko lehen larunbatean egiten den azoka berezia. Bihar, goizean eta eguerdira bitartean hainbat ekintza hartuko ditu Loinazko San Martin plaza azpiak, eta bertako produktuez gozatzeko aukera ere izango da. Goizeko 10.00etan izango da azokaren irekiera eta ordurako hainbat postu jarriko dituzte inguruko baserritarrek, eta 14.00ak bitarte egongo da zabalik.

Gauza jakina da aurtengo negua nahiko luze eta gogorra izan dela eta urtaro horrek eragindako eguraldi nahasiak ez diela gehiegi lagundu baserritarrei baratzeko lanetan ari-tzerako orduan. Hala ere, udaberriko produktu berriak pixkanaka hasi dira agertzen baratzeetan eta bihar ere ikusgai izango dira Beasaingo bertako produktuen azokan egongo diren postuetan. Esaterako, beste hainbat produktuen artean, denboraldiko lehen baba eta ilarrak erosteko aukera izango dute gerturatzen diren guztiek. Bertako lekale horiez gain, barazkiak, eztia, loreak, gazta, marmeladak, ogia eta haziak ere eskuratzeko aukera izango dute erosleek.

txikienak, sukaldaritzanNahiz eta azoka bera ez den izaten zehazki haurrentzako zuzendua, haiei zuzendutako ekintzak ere izango dira biharkoan. Gauzak horrela, Txiki-txikitatik gure burua nola zaindu ikasten izenburupean haurrei zuzendutako sukaldaritza tailerra antolatu du Beasaingo Udalak. Helburua bertako produktu horiek etxeko txikienei gerturatzea da eta azokan garaiko produktu horiekin umeentzako plater goxoak, erakargarriak eta osasungarriak presta-tzen irakatsiko die Garbiñe Etxaniz dietistak. 11.30ean hasiko du saioa eta ordubete inguru iraungo du ekintza honek.

Bestalde, kontuan izan behar da, ohiko legez, azokan erosketak egiten dituzten bezeroei garaian garaiko produktuen egutegi bat emango zaiela eta sukaldaritzan murgiltzeko asmoarekin, lortu ahal daitezkeen produktu horiekin sukaldatzeko errezeta liburuak ere banatuko dizkie. Hala ere, azoka amaitu baino lehen, 13.30ean, azokako produktuez osatutako bi saskiren zozketa egingo da azokan erosketak egindakoen artean. Beasaingo Udalak jendeari azoka berezi honetara gerturatzeko deia egin du.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902