Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
Sociedad

Lurraldebusek erabiltzaileentzako arreta zerbitzua hobetu du Loiuko aireportuan

Zerbitzuaren ordutegia 10:00etatik 14:00etara eta 16:00etatik 20:00etara da

EP - 2017(e)ko uztailaren 29a, larunbata - 12:56etan eguneratua

Pasajeros acceden a un autobús de Lurraldebus.

Galería Noticia

Pasajeros acceden a un autobús de Lurraldebus.

Lurraldebus sozietateak erabiltzaileentzako arreta zerbitzua hobetu du Loiuko aireportuan udako aldian. Hain zuzen, erraztu egin du Bilboko aireportua Donostiarekin eta Zarautzekin eta Eibar-Bergara-Arrasate gunearekin konektatzen duten autobusen informazioa, txartelen salmenta eta autobusetarako sarreren kudeaketa.

DONOSTIA. Gainera, informazio txartelak gehitu ditu, eta aurrez aurreko arreta bi pertsonarekin sendotu du. Neurri berriak uztailaren hasieran abian jarri ziren ordu erdiko maiztasunei gehitzen zaizkie, Gipuzkoako Foru Aldunditik jakinarazi dutenez.

Aireportuaren kanpoaldean, Lurraldebusen geralekuaren zutoinean, informazio seinale berriak jarri dira, eta zerbitzuen ordutegia, maiztasuna eta lineen prezioa, txartelak erosteko makinaren kokalekua eta Lurraldebusen erabiltzailearentzako arreta zerbitzuaren telefonoa (900 300 340) adierazten dituzte. Informazio txartelak lau hizkuntzatan daude (euskara, espainiera, ingelesa eta frantsesa), eta berritu egin dira, tiketak kreditu txartel bidez erosteko makinaren kokalekua adierazteko.

Barrualdean, bi pertsona arduratzen dira bidaiariei tiketak erosteko makina erabiltzen laguntzeaz -kreditu txartelekin eta Mugi txartelarekin soilik funtzionatzen du-, erosketak arintzeaz eta zalantzak eta izan daitezkeen gorabeherak konpontzeaz. Gainera, kanpoaldean, Lurraldebusen geralekuan, autobusen ondoan, beste pertsona batek kudeatuko ditu autobusetarako sarrerak eta sarbideak, erosteko makinara bideratuko ditu erabiltzaileak eta azken orduko tiketak saltzeaz arduratuko da arduratuko da -tiketa garaiz erosteko aukerarik izan ez dutenei edo tiketa eskudiruarekin erosi nahi dutenei-. Horrez gain, Lurraldebusen zerbitzu honi buruzko informazioa eta arreta emateaz arduratuko da.

ABUZTUAREN 31RA ARTE

Informazioko aurrez aurreko zerbitzu hori abuztuaren 31ra arte izango da indarrean, 10:00etatik 14:00etara eta 16:00etatik 20:00etara. Ordu horretatik aurrera, autobusetako gidariak arduratuko dira bezeroei arreta emateaz eta tiketa makinan erosi ezin izan duten bezeroei tiketa kobratzeaz.

Joan den uztailaren 1etik, Lurraldebusek Bilboko aireportura egiten duen zerbitzuak ordu erdiko maiztasuna du bi noranzkoetan, urtearen gainerakoan ordubeteko maiztasuna duenean. Udako ordutegi berriarekin, Donostiako geltokitik 04:30etik 21:30era bitartean daude autobusak. Loiuko aireportuko irteerak ere ordu erdiro dira, 06:15etik 23:45era.

Gainera, aurrez eskuratutako tiket bidezko eskaria dagoen guztietan, autobusa Zarautzen geldituko da. Ordu erdiro egiten den aparteko zerbitzu hori, abuztuaren 31n amaituko dena, joan den urteko uztailean ezarri zen lehen aldiz, eta harrera ona izan zuen aireportuko erabiltzaileen artean. 2016an, zerbitzu bereziek %13,5eko hazkundea izan zuten uztailean, eta %10,4koa abuztuan.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902