Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Astigarragako festak, zapore onarekin

Santa Ana Eguneko sagardo dastaketarekin, idi-demekin eta Herri kirolen erakustaldiarekin amaitu dira jaiak

Aitziber Mugaren erreportajea eta argazkia - 2017(e)ko uztailaren 27a, osteguna - 06:11etan eguneratua

Sagardo dastaketa, Foru Plaza.

Sagardo dastaketa, Foru Plaza. (Aitziber Muga)

Galería Noticia

Sagardo dastaketa, Foru Plaza.

Euskal ohiturak eta kultura izan ziren atzo nagusi Astigarragako Santa Ana egunean. Goizean, baserriko tresna-egileen erakusketa eta sagardo dastaketa eta pintxoen salmenta izan ziren Foru plazan. Baita idi-demak ere, 1.500 kiloko harriarekin, 20 minutuko saioa egin zuten lau idi parek: Pagadizabal, Etxetxo, J.M. Elola eta Matxainen idiek. Eguerdian, Agin Laburu eta Aitor Mendiluze bertsolarien txanda izan zen. Udaletxeko plaza jendez gainezka zegoen eta sagardoaren dastaketa oso animatuta egon zen.

Aurten bost egunetan izan dute zer ospatu eta gainera 30 urte betetzen dira Astigarragak udalerri titulua berreskuratu zuela

Arratsalde partean, herri kirol jaialdia egon zen. Hasteko Errenteria, Hernani, Oiartzun eta Astigarragaren arteko desafioa burutu zen eta ondoren, Alazne Etxaburua eta Irati Astondoa aizkolarien eta Idoia Etxeberria harrijasotzailearen erakustaldiak egon ziren.

Honenbestez, atzo amaitu ziren Santio jaiak. Aurtengoak gainera, bereziak izan dira Astigarragak Donostiarengandik desanexioa lortu zuela 30 urte betetzen baitira.

Gainera, asteburua festa giroan aprobetxatzeko, aurten bost jai egun izan dira. Hasiera batean, hots, Astigarragak hiru egun ospatzen zituen: Santio bezpera, Santio eguna eta Santa Ana eguna.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902