Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Arantzazu Amezaga idazleak 2017ko Nabarralde saria jasoko du

Santiago egunean eskuratuko du errekonozimendua Azpeitian, euskaldunon nafartasunari egingo zaion omenaldian

2017(e)ko uztailaren 23a, igandea - 06:11etan eguneratua

Galería Noticia

azpeitia- Arantzazu Amezaga Iribarren idazle argentinarrak Nabarralde Fundazioak ematen duen 2017ko Nabarralde saria eskuratuko du hilaren 25ean Azpeitian.

Amezagak Nabarralde Fundazioko Urolakoen Napar Zuzterrak taldeak Santiago egunerako antolatu duen euskaldunon nafartasunari omenaldiaren baitan eskuratuko du errekonozimendua.

Idazleak Sanagustin kulturgunean ospatuko den lagunarteko bazkarian jasoko du saria, eta horren aurretik hainbat ekitaldi burutuko dira.

Herritarrak 10.30ean elkartuko dira Perez Arregi plazan nafar banderari egingo zaion omenaldia hasteko. Handik, “Erdi kalean gora” abiatuko dira “nafar eserkiaren martxarekin”.

Napar Zuzterrak taldeko kidea den Mirari Bereziartuak jakinarazi duenez, “Plazara heltzerakoan txalaparta, irrintziak, bertsoak, kantuak eta dantzak egongo dira”, beti ere, euskaldunon nafartasuna aldarrikatzeko ekitaldia festa giroan igarotzeko.

Omenaldiaren bultzatzaileek gogorarazi dute “Albako dukea, konkistan, Altsasutik sartu zela” eta beren ustetan, “bertan jarrai-tzen dute”.

Izan ere, datorren astearterako prestatutako ekitaldian “Altsasuko gazteekin gertatzen ari dena” sala-tzeko tartea ere egongo da. Era berean, “estatu espainolaren jarrera bortitxa” pairatzen ari diren gazteei “elkartasuna adieraziko zaie”. Altsasuko alkatea Azpeitian izatea espero da.

Berarekin batera, Hazparneko ordezkariak (Azpeitia eta Hazparteren arteko senidetzak 30 urte bete ditu) eta Nabarralde saria jasoko duen Arantzazu Amezagaren hainbat lagun egongo dira nafar banderari gorazarrean. Horien artean, “Arantzazuren familiako lagun handiak diren Iñaki Anasagasti eta bere emaztea. Ahal badu, Garaikoetxea ere etorriko da Azpeitira”.

Aita bizkaitarra eta ama nafarra izanda, Amezaga 1943an jaio zen Argentinan. Gurasoek gerra denboran alde egin behar izan zuten, hasieran Frantziara eta gero Argentinara eta Uruguayra. Hantxe bere senarra izango zen Pello Irujo ezagutu zuen eta bikotea Nafarroara bueltatu zen bizi-tza egitera. - Jabi Leon


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902