Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
John Fogerty, Cheap Trick, The Hellacopters...

Gasteizko Azkena Rock jaialdia hasiko da ostiral honetan

EP - 2017(e)ko ekainaren 23a, ostirala - 11:13etan eguneratua

John Fogerty

John Fogerty (Efe)

Galería Noticia

John Fogerty

Azkena Rock Festival jaialdiaren 16. edizioa hasiko da Gasteizen ostiral honetan, ekainaren 23an, eta urtero bezala, Mendizabala gunean ospatuko da. Bi egunetan zehar, ostiralean eta larunbatean, Arabako hiriburua "rock musikaren erdigune" bilakatuko du.

GASTEIZ. Horrela, jaialdiaren lehen jardunaldian, John Fogerty, Cheap Trick, The Hellacopters, Graveyard, King's X, The Shelters, Tygers Of Pan Tang, The Godfathers, Crank County Daredevils, The Soulbreaker Company, Fetitxe eta Los Mambo Jambo taldeekin gozatzeko aukera izango da.

Gainera, rock, garage eta punk soinu "basatienei" eskainitako Trashville gune berrian, King Automatic, The Cyborgs eta Vurro artistak ariko dira, eta kontzertuen ondoren, Shakin' Brothers eta Reyes Torio disko jartzaileek girotuko dute Mendizabala.

Jaialdiak jarraipena izango du larunbatean, ekainaren 24an, eta Chris Isaak, The Cult, Union Carbide Productions, Michael Kiwanuka, Loquillo, Thunder, Bloodlights, Inglorious, The Dead Daisies, Pat Capocci, Buck &Evans, SCR eta Wyoming y Los Insolventes igaroko dira agertoki nagusietatik. Trashville guneak Bob Log III, Pelo Mono eta The Devils artisten kontzertuak eskainiko ditu, eta jaialdia bukatzeko, Lost Angeles eta Bob Cosby izango dira musika jartzen.

Berrikuntza bezala, antolatzaileek cashless eskumuturrekoak jarriko dizkiete aurten ikus-entzuleei. Eskumuturrekoek RFID/NFC teknologiadun txipak dituzte, eta, mugimendu bakar batekin, Mendizabalara sartzeko eta bertan ordainketak egiteko aukera emango du (edariak, jakiak eta merchandising).

Gainera, birziklatzeko edalontziak, komun gehiago, borroka mexikarreko ikuskizunetarako gune bat eta jaialdia sustatuz eta bonuak salduz hirian zehar ibiliko den autobus batek osatzen dituzte aurtengo berritasunak.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902