Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
Irabazleak 600 euro eramango ditu

Bilbao Mendi Film Festival 10. jaialdiaren kartela Donostian ezagutaraziko da

EP - Lunes, 22 de Mayo de 2017 - Actualizado a las 17:17h

Bilbao Mendi Film Festibalak 9. edizioko irudia aurkeztu du

Bilbao Mendi Film Festibalak 9. edizioko irudia (Mendi Film)

Galería Noticia

Bilbao Mendi Film Festibalak 9. edizioko irudia aurkeztu du

Bilbao Mendi Film Festival jaialdiaren 2017ko irudia agertuko duen kartela datorren larunbatean aurkeztuko da, maiatzaren 27an, Donostiako Antzoki Zaharrean egingo den CVCEPhoto lehiaketaren sari banaketa ekitaldian.

BILBO. Mendiko jarduerak islatzen dituen nazioarteko argazkilaritza lehiaketa da CVCEPhoto eta Donostiako Club Vasco de Camping elkarteak antolatu du hirugarrenez.

Lehiaketaren aurtengo nobedadea "Bilbao Mendi Film Festival kartela saria" izan da. Irabazleak 600 euro eramango ditu, eta bere lana Bilbao Mendi Film Festivalaren hamargarren edizioaren karteleko irudia izango da. Irabazlea hautatu da jada, eta, jaialdiko arduradunek iragarri dutenez, sari banaketa ekitaldian izango da saria jaso eta lana aurkezteko, Jabier Baraiazarra jaialdiaren zuzendariak lagunduta.

Ekitaldi berean aurkeztuko dituzte saritutako lan guztiak CVCEPhoto lehiaketako arduradunek. Guztira 20 dira sarituak, eta beste 30 ere hautatu dituzte Antzoki Zaharreko pantaila handian proiektatzeko. Saioa borobiltzeko, CVCE elkarteak Eñaut Izagirre eta Mikel Sarasola exploratzaile gazte ezagunen hitzaldia antolatuko du: "Hotzaren bila, explorazio espedizioen ikuspegia".

CVCEPhoto lehiaketaren sari banaketa 18:00etan hasiko da, sarrera doakoa da eta bertaratzeko gonbidapenak Club Vasco de Camping Elkartearen egoitzan jaso daitezke (Prim 25, behea). 943 271 866 telefonora deituz ere gorde daitezke, edota ondoko helbideetan eskatuz: cvc@vascodecamping.org e info@cvcephoto.com.

Mendi Film Festivalek hamargarren edizioa izango du aurtengoa, abenduaren 8tik 17ra Bilbon. Azken sei urteak osatuko ditu hala Bizkaiko hiriburuan, lehen laurak Gasteizen egin baitziren.

MENDI TOUR

Bestalde, jaialdiak hiru Mendi Tour saio eskainiko ditu aste honetan: Azpeitian (asteartea eta ostegunean), Zarautzen (asteazkenean) eta Donostian (ostegunean eta ostiralean).

Urtea hasiz zenetik antolatu diren 20 Mendi Tourr saiotan ia 7.000 ikusle bildu dira. Horrela, esaterako, Iruñeko saioan 1.000 ikusletik gora bildu ziren, aurrez Gasteizen edo Tolosan ere gertatu zen bezala.

"Geroz eta gehiago dira Mendi Tourra berean nahi duten hiri eta herriak, Euskal Herrian bezala baita haratago ere, kasu Viehla eta Luz Saint Sauveur Pirinioetan, Camargo Kantabrian, Canet d'en Berenguer Valentzian", azaldu dute.



COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902