Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Mendi martxa luzea egingo dute Ataunen

Goizeko 6.30ean emango diote hasiera 48 kilometroko ibilbideari eta 8.00etan 21,3koa hasiko da

Sábado, 6 de Mayo de 2017 - Actualizado a las 06:13h

ataun- Ataun Kirol Elkarteak 9. Jentilen Bideetatik igarotzen den iraupen luzeko mendi ibilaldia antolatu du iganderako. Bi ibilbide prestatu dituzte: luzea 48koa eta laburra 21,3 kilometrokoa. Izena eman nahi duenak momentuan egiteko aukera izango du, irteera baino ordubete lehenago eta hamar euro ordaindu beharko da.

Bide luzea aukeratzen dutenek hasiera Auzoetako kiroldegian emango diote, goizeko 06.30ean. 48 kilometroak 9-11 ordu bitartean osatu behar dituzte eta Ataungo udalerria ia-ia alde batetik besteraino inguratuko dute. Gorantzako desnibelak 2.243 metro ditu. Irumugata edo Esparru igoko dute lehenik parte-hartzaileek, ondoren hegoalderantz jo eta Areatzatik igarota Lizarrustira iritsiko dira. Berriz ere aldapa igotzeari ekin eta Allekora eta Muñoaundira joango dira, gero Amundarain baserritik barrena dena beherantz egiteko. Hasi bezala, Auzoeta kiroldegian amaituko dute ibilbidea. Bidean zehar hiru kontrol eta hornidura postu egongo dira: 12. kilometroan Areatza barrenean, 25.ean Lizarrustin eta azkena Intsustiko iturrian izango da, 39. kilometroan.

Bide laburrari dagokionez, 08.00etan irtengo dira Auzoetatik. Txangoaren luzeera 4,5-5 ordukoa izango da, 833 metroko desnibel positiboarekin. Kasu honetan bi hornidura eta kontrol postu egongo dira: 6. kilometroan Urkilagan eta 13.ean Intsustiko iturrian. San Martindik San Gregoriora herribidetik joan, eta Urkilagatik gora Agautzeraino igoko dira. Azkenik, beherako bidea hartuko dute Intsusti eta Amundaraindik igaroz azkeneko 12 kilometroetan. - M.A.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902