Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
Ziritik

Ez den tokian aztaparrak garbi

Xabier. Euzkitze - Domingo, 23 de Abril de 2017 - Actualizado a las 06:13h

Dirua dagoen lekuan ustelak agertzen dira. Duela zenbait hamarkada, garaiko aharirik onenaren jabeak Azpeitira eraman zuen, jokorik galdu gabe zegoen beste batekin indarrak neurtzera. Bidaia abiatu aurrez semeak eta biek ahulgarri bat eman zioten. Ofizialki eurenaren alde baino askoz dirutza handiagoa jokatu zuten ezkutuan kontra. Alegia, tongo egitera joan ziren. Bi abereak aurrez aurre jarri bezain laster, hasi da bestea sekulakoak eta bi ematen. Aita-semeena, aldiz, lau hankaren gainean doi-doi, drogaren eraginez erabat motelduta. Berez izan ona, ordea, eta zutik eusten. Halako batean, eman beharraren eman beharrez, hasi da bestea ere otzantzen. Hark onenak eman dituenean, eman dio gure honek kolpetxo bat eta bera nagusitu. Hura jendearen marmarra!

Irten dira aita-semeak plazara, hartu dute aharia, sartu dute furgonetan eta abiatu dira etxerantz, mutu. Bidean doazela, hasi da semea hizketan.

- Aita, botako al dugu ahari ostia hau amildegian behera?

- Lagaiok, lagaiok bizirik, gu baino finagoa duk eta.

Madrilen ez da ahari-jokorik, baina ustela bai franko. Alderdi batek dirau agintean aspaldi handian eta aurrekontu itzelak kudeatu behar izan ditu bere eskumeneko erakunde ugarietan. “Ez den ez den tokian, maitea, aztaparrak garbi” dio euskal kanta zaharrak. Zer ebatsirik ez den lekuan lapurrik ez, baina han tentazio ugari. Agirreri esperantzarik ere ez zaio geratzen oraintxe. Inguru guztia lizundurik, ez dirudi ohiko arrandi eta kopetari luzaz eusteko modurik izango duenik. Ustelek inguratu dute, baina ez dira ezerezetik sortuak, berak hautatuak baino. Ez bat edo bi, ezta hamar edo hamabi ere. Frogek besterik erakusten ez duten bitartean, ezin esango dugu jada harrapatu dituztenak bezain ustela denik. Halere, apustu egingo nuke, aita-semeek ahariari ez bezala, lehentxeago edo geroxeago baietz norbaitek amildegian behera bultza.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902