Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Zumaiako musika taldeentzako deialdia

Entseguetarako lokalak erabili ahal izateko martxoaren 13tik 31ra eman beharko da izena

2017(e)ko martxoaren 3a, ostirala - 06:12etan eguneratua

Zumaia- Zumaiako Udalak bost areto ditu Arritokieta azpian kokatutako Uxategia eraikinean eta beste hiru Ubillos Musika Etxearen atzean musika taldeen entseguetarako erabiltzeko, eta lokal horiek erabili ahal izateko izena eman beharko dute interesa duten taldeek datorren martxoaren 13tik 31ra.

Lokalen erabilpena zuzentzeko Dardara Musika Kolektiboarekin hitzarmena du Kultur Sailak, eta araudiaren arabera urtero deialdia egin behar da. Beraz, dagoeneko lokaletan dauden taldeek ere deialdi horri erantzun beharko diote eta izena ematea ezinbestekoa da. Lagapenak urte baterako balio du beti ere.

Lokalak erabili ahal izateko, Dardara kolektiboko kide izan beharko dute taldeek eta kide bakoitzak 50 euro ordaindu beharko ditu Uxategiko lokalengatik, eta 10 euro urtean, berriz, Ubillos atzeko lokalengatik. Beraz, herriko musika taldeei deialdia zabaldu diete Kultur sailarekin harremanetan jartzeko. Aurkeztu beharreko dokumentazioa honakoa izango da: izen-emate orria behar bezala beteta, taldekideen nortasun agirien fotokopiak (eskaera berrien kasuan) eta Dardarako kontu korrontean kuota ordaindu izanaren agiria.

Informazio gehiago nahi dutenek Alondegia kultur etxera jo dezakete astelehenetik ostiralera 9.00etatik 14.30era bitartean, edota 943 861 056 telefonora deituta edo kultura@zumaia.eus edo dardarazmk@gmail.com helbidera idatzita. - A.R.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902