Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Artzeri buruzko erakusketa zabalik dago

Usurbilgo Potxoenean herriko idazlearen “unibertsoa” ikusgai egongo da uztailaren 3ra arte

Sábado, 4 de Junio de 2016 - Actualizado a las 06:12h

Usurbil- Ikimilikiliklik, JA Ar-tzeren unibertsoa erakusketa Usurbilgo Potxoenea kultur etxean izango da ikusgai uztailaren 3ra arte.

Atzo zabaldu zen erakusketa eta Xabier Arregik, Usurbilgo alkateak agerraldian azpimarratu zuen bezala, Joxanton Artze (Usurbil, 1939) “herritar eredugarria izan da.” Arregiren ustez, “herria bizitzeko eta sentitzeko etnografo bikaina izan da: etxeen eta lekuen izenak ez ezik, bizi-tzeko moduari buruzko memoria bizia izan da, euskararekiko eta herri baloreekiko atxikimendua helarazi digu. Idazlea baino gehiago izan da, herriaren iraganaren berritzaile eta etorkizuneko giltzak eta hitzak eman dizkiguna”.

Ildo horretan, erakusketa, Ar-tzeren imaginario eta unibertsoan murgiltzeko modu bat da. Sortzaile gisara egindako ibilbidean barneratzeko modua eskaintzen du, bere hainbat liburu eta sormen lan erakutsiz eta azalduz. Besteak beste, aipagarriak dira zentzu horretan Isturitzetik Tolosan barru edota Gizon handia da mundua, eta mundu ttikia gizona.

Atzoko aurkezpenean, besteak beste, Juan Kruz Igerabide, Mikel Laboa Katedrako zuzendaria, eta erakusketaren komisario izan diren Carlos Rodriguez eta Alberto Lizarralde egon ziren, Jexux Artze kultur elkarteko arduradunekin batera. Denek, erakusketak Usurbilen “zentzu bikoitza duela” aipatu zuten, “erakusketak Usurbil elikatzen duelako eta Usurbilek ere, bere aldetik, erakusketari zentzu emotibo berezia eskaintzen diolako”. Erakusketa hau Donostian eta Miarretzen ikusgai egon da ere. - A.M.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902