Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
Bazterrak ezagutzen bandarekin

Franco Cesarinik "The Archangels" bere lehen sinfonia estreinatuko du Bilboko Udal Musika Bandarekin

Estreinaldia otsailaren 7an izango da Bilboko Euskalduna Jauregiko auditoriumean

EP - 2016(e)ko urtarrilaren 27a, asteazkena - 10:51etan eguneratua

Franco Cesarini.

Franco Cesarini.

Galería Noticia

Franco Cesarini.

Franco Cesarini zuzendari eta konpositore suitzarrak Bilboko Udal Musika Banda aukeratu du "The Archangels" idatzi duen lehenengo sinfonia estreinatzeko. Lanaren estreinaldia otsailaren 7an izango da, 12:00etan, Bilboko Euskalduna jauregiko auditoriumean, "Musika helvetiarra ezagutzen" izenburuko kontzertuan.

BILBO. Musika banda bilbotarrak jakinarazi duenez, Cesarini 2015-2016 udazken-neguko kontzertu denboraldiko gonbidatu nagusietakoa da. Talde bilbotarrak 120 urte bete zituen iaz eta 45 kide baino gehiagok osatzen dute. Denboraldi hau José Rafael Pascual Vilaplana zuzendari titularrak diseinatutako lehenengoa da;"Bazterrak ezagutzen bandarekin" izenburua darama eta Euskaldunako auditoriumean eskaintzen den kontzertu zikloa urriaren 12an hasi eta apirilaren 17an amaituko da.

Franco Cesarini 1961ean jaio zen, Suitzako Bellinzona hirian. Milango Giuseppe Verdi kontserbatorioan hasi zen musika ikasten, flauta eta pianoa, hain zuzen. Gerora, Basileako kontserbatorioan jarraitu zuen ikasten Peter-Lukas Graf irakaslearekin, harik eta 1981ean Suitzako bakarlaririk onenaren saria irabazi zuen arte. Lehen Saria lortu zuen Musika Interpretazioko Nazio Lehiaketan.

Peter-Lukas Grafekin jarraitu zuen ikasten kontzertistaren diploma eskuratu arte. Aldi berean, teoria eta konposizio musikala ikasi zuen Robert Suter eta Jacques Wildbergerrekin, eta banda zuzendaritza Zuricheko kontserbatorioan Felix Hauswirthekin.

Musika banden barruko gaur eguneko musikagilerik eta moldatzailerik ospetsuenetakoa da, eta errepertorio zabala du bandetarako. Musika sortzailea ez ezik, Luganoko Banda Zibiko Filarmonikoko zuzendaria ere bada. Musikagile moldaerraza, bere katalogoan bandarako obrak zein orkestrako, ganberako, koruko eta flautako lanak ere sartzen dira.

Cesarinik berak diseinatu du Bilboko ikus-entzuleen aurrean eskainiko duen egitaraua. Kontzertuaren lehen partean Emil Jacques Dalcrozeren "Marche Vaudoise", Paul Huberren "Fantasie über eine Appenzeller Volksweise", Arthur Honeggerren "Marche sur la Bastille" eta Cesarinik berak idatzitako "Solemnnitas Op. 29" entzungo dira, eta bigarren partean, Bilboko Udal Musika Bandak "The Archangels" eskainiko du, Franco Cesarinik idatzitako lehenengo sinfonia eta bere 50. lana.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902