Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
Ziritik

Harainoxe heldu nintzen

Xabier. Euzkitze - Domingo, 24 de Enero de 2016 - Actualizado a las 06:11h

gure adiskide baten mutil-lagunak estetika asko aldatu behar izaten du lanerako. Ohiko ilajea -rastak-, janzkera -punky itxurakoa edo- eta belarritako sorta -freskagarri botilen txapekin eginak- kendu egin behar izaten ditu, beka batekin lanean diharduen enpresako gerenteari ez baitzaizkio egokiak iruditzen. Telebistako aurkezle askok ere kalean egunero erabili ohi dutenaz oso bestelako itxura agertu ohi dute pantailaren aurrean, belarritakoari eutsi nahi izan dion bertsolari egoskorren bat eta haren moduko beste xelebreren bat salbu. Madrileko kongresuan diputatu hautatu berri den Alberto Rodriguezen ilekerak ere eman du zeresan franko. Leku eta egoera bakoitzak bere janzkera eskatzen duela aldarrikatu du hainbatek, hondartzan mendiko botak bezain lekuz kanpo daudela rastak legebiltzar batean. Gaia irristakorra da, baina eztabaida interesgarria.

Euskara ereduez ere antzeko zioak entzun eta esan, irakurri eta idatzi izan ditugu. Euskara batuak badu bere lekua, eta euskalkiek ere bai. Euskal Herri mailako albistegi batean euskalki itxian aritzea bezain zentzugabea da euskaldun zaharren koadrilan batua erabiltzea. Kontu horiez aritu ziren duela urte batzuk bi iritzi emaile Gipuzkoako herri batean. Bata idazlea, idazle ona, bestea filologoa. Herriko hedabide sarearen hi-tzaldi/solasaldi egitarauaren baitan antolatutako saioa zen. Ez nintzen han izan, sarean aurkitu dut. Halako batean, filologoak honakoa bota zuen, euskara ezin jatorragoan: “neri horrek porkulo emateit”. Harainoxe iritsi nintzen, handik aurrera jarraitzeak ez zuen inolako zentzurik. Konfiantzazko lagun artean edo koadrilako afari baten ondoren goizaldeko ordu txikietan guztiz ulergarri izan litekeen hizkera-moduak nazka eman zidan egoera hartan. Adin guztietako entzuleak zeuden, laurogei urte ingururainokoak, eta hantxe bota zuen esaldi antologiko hori: “neri horrek porkulo emateit.” Koadrilako mozkorraldia eta mahai-inguru formala bereizten ez dituenak ezin du jakin euskara batuaren eta herri hizkeren eremuak bereizten. Eta, apustu egingo nuke, ezta bakoitzean egoki den itxura ere.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902